O PEMAN participa no Encuentros Sin Créditos 2016

Do 25 ao 26 de novembro terá lugar en Madrid o Encuentros Sin Créditos 2016, evento público articulado no marco do Programa Sin Créditos da Comunidade de Madrid, dende o que se convoca a reflexionar e debatir sobre saberes e faceres en comunidades artísticas de aprendizaxe regladas e non regladas e artellase en dúas sesións: Abierto Sin Créditos e Mesas de debate.

Neste Encontro presentarase o Programa de Estudos en Man común Ruralidades, Feminismos e Comúns da man de Andrea Olmedo, quen presentará a charla Construindo un proceso de aprendizaxe en (man) común co obxectivo de analizar o proceso no que estamos inmersos dende o propio Programa co fin de tecer un espazo de pensamento crítico en común.

Ademais do propio Programa de Estudos haberá presentacións e iniciativas moi diversas, e na xornada do 26 unhas interesantes mesas de debate na que se abordarán cuestións como a educación, a experimentación ou a produción de coñecemento. Nesta ligazón tes toda a información do Encontro: https://programasincreditos.org/encuentros/

As sesións terán lugar na Sala de Arte Joven, na Avenida de América, 13 en Madrid e pódese asistir enviando un email a [email protected]