Coidado!

Este espazo acolle parte do traballo dun grupo de comuneiras do Peman ante necesidade e a responsabilidade de facer unha reflexión sobre as reaccións colectivas ante os casos de violencia machista. Constatamos, con máis frecuencia da que gastariamos, que non sempre contamos coas destrezas e recursos eficientes para enfrontalas da maneira que nos faga sentir satisfeitas. Isto fíxose evidente no noso grupo cando, dando os primeiros pasos, tivemos que dar resposta a unha situación derivada dunha agresión sufrida por unha compañeira e que, aínda que acontecida fóra do programa de estudos, o atravesou, xa que implicaba a outras persoas vinculadas tamén ao programa.

Como comuneiras ante a multiplicidade de implicacións, puntos de vista sobre o acontecido e por elo a imposibilidade dun posicionamento político conxunto, non soubemos atender algunhas demandas e necesidades da compañeira agredida no tempo e forma precisas o que provocou que sentira unha importante falta de coidados e se vira de novo exposta a revivir insistentemente a súa historia. Isto xerou dor, frustración, incomodidade, debates sobre como afrontar a situación, tensións entre visións diversas incluso a dada de baixa do Programa por non ter dado unha resposta rápida e firme para garantir o espazo seguro que esta compañeira precisaba e que se lle supón a un espazo feminista.

Este grupo creouse á raíz de todos estes retos, pero sobre todo pola forza que tivo a nosa compañeira para seguir loitando. Serviu como espazo para procesar as nosas emocións e reflexións sobre o acontecido; para reafirmarnos na nosa vontade de continuar a promover a transversalización da ollada feminista nos diversos seminarios formativos que organizamos; e para procurar recursos en forma de materiais, protocolos etc que outras comunidades andan a xerar para articular respostas colectivas ante agresións machistas.

A continuación achegamos unha recompilación ordenada de protocolos de actuación ante violencias patriarcais. Esta tenta atender ao carácter diverso dos movementos feministas e os seus múltiples enfoques: parte dos recursos son institucionais e teñen a súa linguaxe e estruturas habituais. Ó mesmo tempo, están presentes os mecanismos dos colectivos autónomos, que difiren do “discurso autorizado”. Hai desde protocolos de actuación ante agresións na rúa ou ambientes de ocio ata chaves para combater os privilexios cando se dan dentro dun círculo de suposta confianza. Achegamos a procedencia, o ano de publicación, o lugar coa intención de que podan ser contextualizados. Agardamos que sexa de utilidade para o empoderamento á hora de accionar sen agardar á iniciativa da figura ou figuras de liderado, facendo unha análise das relacións de poder e xerarquías que subxacen nas comunidades e ás que este programa de estudos non foi alleo.

A voz deste grupo estivo presente nos espazos do Peman, desde asembleas de comuneirxs a espazos informais e de alí alí xurdiron achegas e aliadxs non so con estxs senón tamén coas dinamizadorxs de varios dos Módulos. Cómpre neste punto agradecer o apoio das nosas propias redes feministas, e especialmente a participación das compas de Raias Traveseiras na mediación neste proceso aberto e doloroso do que, alo menos, cada quen á súa maneira, puido extraer ferramentas para seguir medrando individual e colectivamente. Coa idea polo tanto de argallar un repositorio de potenciais alianzas, poñemos a disposición un listado de agrupacións que andan a traballar todos estes temas, por ser preciso contar con redes externas para encarar as problemáticas que nos afectan.

QUEN	ONDE	COMO	WEB
RED CONTRA AGRESIONES MACHISTAS	ZARAGOZA	FANZINE/MANADA	https://www.facebook.com/Red-Contra-Agresiones-Machistas-Zaragoza-1633762553540597/?fref=ts
CONCLAVE DE FEMINISTAS ALEATORIAS	GALIZA	MANADA	https://www.facebook.com/ConclaveDeFeministasAleatorias/
LÉSBICAS CREANDO	GALIZA	AUTODEFENSA/EMPODERAMENTO	https://lesbicascreando.wordpress.com/
FUNDACIÓN SALUD Y COMUNIDAD	CATALUNYA	INFORMES/PROTOCOLOS/PROYECTOS/FORMACIÓN	http://www.drogasgenero.info/
A CONTRA CORRENT	VALENCIA	DECÁLOGO	http://www.acontracorrent.org/
GRUP DE DONES DE LA MARXA MUNDIAL DE VALÉNCIA	VALENCIA	AUTODEFENSA/PROTOCOLOS/ARTÍCULOS	http://www.nodo50.org/xarxafeministapv/
MARCHA MUNDIAL DE EUSKAL HERRIA	EUSKAL HERRIA	PROTOCOLO	http://emakumeenmundumartxa.eus/
LA TURBINA	CATALUNYA	MANADA/PROTOCOLO	http://www.laturbina.net/
AYUNTAMIENTO DE ELORRIO	EUSKAL HERRIA	MANADA/PROTOCOLO	http://www.elorrio.eus/es-ES/Paginas/default.aspx
CLAU ROYA	ARAGÓN	PROTOCOLO	https://aclauroya.wordpress.com/
IZARBEIBARKO ASANBLADA FEMINISTA	EUSKAL HERRIA	DEFINICIONES/PREOTOCOLOS/GESTIÓN DE CONFLICTOS/PROPUESTAS	https://www.facebook.com/pg/izarbefeminista/about/?ref=page_internal
POBLE SEC FEMINISTA	CATALUNYA	PROTOCOLO FESTAS BARRIO	http://www.poblesecfeminista.org/
ESCANDA	RONZÓN	FANZINES/AUTODEFENSA/OBRADOIROS	https://escandaronzon.wordpress.com/

DE COLECTIVOS

DE INSTITUCIÓNS