Un breve relato en torno ao Coloquio: Unha ollada ao decolonialismo

O 18 de maio na Zona C en Santiago de Compostela tuvo lugar o “Coloquio: Unha ollada ao decolonialismo, cara outras relacións Sur-Norte”. Esta sesión enmarcábase dentro do Programa de Estudos en Man Común Ruralidades, Feminismos e Comúns e supuxo un punto de partida do propio Programa, co obxectivo de tender pontes entre o decolonialismo e as teorías que enaman dos comúns, dos feminismos ou das propias ruralidades.

Asi no coloquio analizáronse conceptos como a colonialidade que ten que ver, en palabras do propio profesor en “como a expansión colonial europea no mundo, produxo, ao calor desa historia, unhas xerarquias de poder a escala global, que non se agotan cunha existencia dunha colonización dun país”.  Hai unha colonialidade na racialización, a través do patriarcado, que en palabras do teórico do decolonialismo, ven da cristiandade, así tamén existen xerarquías epistemolóxicas, ou tamén de xerarquías lingüísticas (vésaxe nas linguas minorizadas), xerarquías estéticas…

A través da conversa con Ramón Grosfoguel transitamos pola necesidade de reconfigurar a visión da universidade occidental, ou desa visión da ciencia positivista que ven da teoría do de Descartes do “penso, logo existo”, unha visión na que considera que non existen xuizos de valor previos, e que, en principio, dota ese carácter universalista. Fronte a esa visión, o decolonialismo considera que cómpre camiñar cara unha pluralidade epistemolóxica, reivindicando unha visión pluriversalista, que permita reverter con ese “xenocidio epistémico”

Mais tamén na propia conversa analizouse a pertinencia de que a esquerda europea sexa quen de superar a súa visión eurocéntrica, e poida, dalgunha maneira acercarse ao Sur Global; e transitar por outras vías que se están dando noutros territorios, que permitan abrazarnos a outros procesos que superen a modernidade.

Aquí podes escoitar o audio enteiro da conversa: