O PEMAN consigue financiamento da Fundación Daniel & Nina Carasso

O Programa de Estudos en Man Común Ruralidades, Feminismos e Comúns  impulsado pola Universidade de Santiago de Compostela, a través do grupo de investigación HISTAGRA, os sete grupos pertencentes a rede REVOLTA e a comunidade artística Montenoso, e unha amplia rede de colaboradores, entre eles o MARCO de Vigo, o MediaLab Prado, concellos, comunidades de montes e espazos autoxestionados  ven de obter apoio da prestixiosa fundación franco-española Daniel & Nina Carasso 

O apoio a este programa de estudos veu dado a través da convocatoria Compoñer os saberes para comprender mellor os desafíos do mundo contemporáneo, cuxo principal obxectivo son financiar as colaboracións transdisciplinares entre artistas e científicos. Á convocatoria presentáronse 81 proxectos en Francia e 32 en España. Destes, un comité técnico formado polo equipo da Fundación e asesores externos, decidiu apoiar catorce proxectos en Francia e catro en España (LABoral Centro de Arte y Creación Industrial, Hangar -Fundació privada AAVC, o Museo de Arte Contemporáneo de Castilla-y-León (MUSAC) e a Universidade de Santiago de Compostela, en colaboración co Colectivo Montenoso.

Nesta ligazón podes acceder aos proxectos financiados pola Fundación Daniel & Nina Carasso http://www.fondationcarasso.org/es/projets-soutenus/1