E se visitamos o espazo de autoxestión Matadoiro Compostela?

O Programa de Estudos en Man Común Ruralidades, Feminismos e Comúns ten entre os obxectos de estudo, os comúns, en tanto manifestan a capacidade da cidadanía de ser quen de construir procesos, institucións… Se en Galiza os montes veciñais en man común son unha clara manifestación destes procesos, non son menos outras iniciativas que xurdiron hai anos ou outras que están agromando na actualidade.

Neste último caso o proceso de recuperación da Casa da Xuventude en Compostela por parte da cidadanía, ven a manifestar a capacidade que temos de poder xestionar de forma colectiva espazos culturais. Así está infraestructura configurase como un espazo de intervención e autoxestión cidadá.

O Matadoiro Compostela (a antiga Casa da Xuventude) é un edificio de máis de 1000 m cadrados en pleno centro de Compostela, que tivo un intento de derrube pola anterior administración local. Máis unha importante mobilización logrou paralizar ese proceso, reivindicando a necesidade de uso deste espazo por parte de axentes culturais, sociais, medioambientais, … da cidade.

Na actualidade estase a impulsar o proceso: “Comúns e Instituíntes [que] é o primeiro en se achegar a este espazo coa intención de o abrir e de o transformar mediante o concurso de canta máis xente mellor”, tal e como relatan na web.
Por estes motivos o sábado 2 de xullo dende o Programa de Estudos en Man Común convidamos a cidadanía a acompañarnos para coñecer máis de preto esta experiencia. A visita que será guiada polos/as mediadores/as do espazo terá lugar o sábado ás 13:30h. A visita é por suposto de balde.O punto de encontro terá lugar na mesma porta do edificio, situado na Praza do Matadoiro en Santiago de Compostela.

Info do evento no Facebook